مصطلحات شامية ج1

دَشْرو : يعني حل عنّو .. تركو
ماني غضران : يعني لست بقادر وهي( بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي بعيد( الشر) تعبير يفيد شدة حب المتكلم للمتكلم عنه .
الواه الواه : تعبير نسائي بحت يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم

دشّرني : أي حل عني . . . وحل عني يعني اتركني بحالي
طلاع من راسي : كمان يعني حل عنّي
سد بوزك : يعني سكوت

أيدي بزنّارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شَعرو متل الشوشة : أي أن شعره منفوش ومنكوش
متل فرشاية المدفع : يعني شعراتو خشنين ومنكوشين

وضرّاب السخن : وهي مسبّة. . وتعني . . . . ما بعرف بالضبط شو .. بس مسبّة
يوه الواه الواه : مفردة شهيرة جدأ عند النساء وتفيد الأوّية ( نوع من أنواع المسخره بين النساء)
كوكِش : يعني يفتش
بحبِِش : أيضاً مفردة تعني البحث مع التمحيص
ينمحئ : ويعني ينضرب على قامتو . . يسطفل
يبعتلو حمّى : أي تصيبه حمى ونخلوص منّو
يبعتلو أتلو : يعني يموت
متل مكّوك الحايك : يعني بحوص كتير

برِى عليك : يعني برافو أحسنت
شو مشان : يعني شو
تؤبرني : دليل محبّه
تشكل آسي : كمان محبّه
تؤبر عضامي : نفس المعنى بغير ريحه
تمشي على رمشي : شرحو
تطلع على أبري : كذلك
زواز : يعني زواج
سجره (بالسّين ): يعني شجره
أوضه : يعني غرفه
يتحورء : متل يبعتلو حمى
يتئوّص : بنفس المعنى
يتأمّع : كمان هيك شي
عود يئعد رزّك : يعني خيلتنا حاجة تحوص
والمعنى الأدق : يقعد رزك يعني تموت والناس ياكلو رز. . لأنو من المعروف
عندما يموت حدى بتصير عزيمة وبيطعمو الناس أوزي على روح الميت والأوزي أكلة
معروفة بالشام

وين غاطط : وين مو مبين

مافي أرنة: يعني لا يوجد مكان
مطرح مالو آعد : يعني بالمكان يلي يجلس فيه
والسبع تنعام : يعني إلنا الشرف
وأش كان : وتعني .. وأذا كان ..

خالص : يعني منتهي أمرو ... حرام عيشتو
حمل ضرب طْرِيئو : يعني يحمل حالو وراح
الداكونه : الغرفه يلي تحت الدرج
نمليّه : مكان بالمطبخ بيحطو فيه اغراض
صحن مئوبع : يعني صحن منتلي لآخرو

حيط بياخذو وحيط بيجيو : تقال للي بيسكر من كتر الترنّح

مابيعرف الخمسة من الطمسه : عن الرجل اللي ماعندو ثقافة

سرّي مرّي : عاللي بيخفق برات البيت

شندي بندي : للي بيحكي بلا طعمه شروي غروي

فايت بالحيط – طاقق الفيوز : للدلالة على انو ماعم يلاقي كلمة مناسبة

مجنّط : مفلس ولا قرش

كِحته : إيدو ماسكه . بخيل

شاطط ماطط : يعني مدلع زيادة
نعيان : يعني قلبو بارد
نايط = نعيان = بارد

شاضومه : بنت مجلوئة . . يعني كيف بدي إلكن . . . مصبْينه

ديوانيّه : يعني صوفايه
صوفايه : يعني كنبايه
طائيّه : القبّعه التي توضع على الرأس

تعسيله : نومة بعض الظهر
تغدّى وتمدّى : يعني قيلوله بعد الغداء

مسرسبة : يعني بتحب النظافة كتير

مسمّاويه : يعني حقودة وأويّه
كركمّه : يعني ختياره مصوفنه
أسسييع أوعى الزيت : بمعنى أفسح طريق
زكرت : يعني أبضاي

أغّيييييى : هي للأبضايات وبس
خروء : يعني ضعيف كتير ما بيلئى كف

تاكلو الدوده العميا : يعني الواحد يموت وياكله الدود بعيد الشر

يبعتلو أتلو شو سمج : كمان يعني يموت وسمج يعني غليظ .

موَسوس : مهووس بشغله
محبّك : يعني زكي كتير
ضراع : يعني ذراع
المحروسه : كلمه تسبق اسم أحد في حال السؤال عنه مثلا : (كيفا المحروسه والدتك ..)
وهي تذكر على النساء فقط

عئلو جوزتين بخرج : يعني عقله صغير

متل الأطرش بالزفّة : يعني مالو علاقة بالموضوع

حاجه تحوص وتلوص : يعني حاجة تفتل وتدور

شويّة لخار : بعد شوي .. وقت آخر

بنت عمّي : يعني مرتو وطبعاً بالعكس
تخورف : انضحك عليه

هههههههههه حلو الموضوع جد حلو بيعطينا صورة عن البلاد العربية
كلك زوء وشكرا الك هاد اول درس الي بالشامي Smile

شي جميل والله

اهلا وسهلا فادي يلا انت كمان عملنا مصطحات على بلدك منشان الكل يلم بكلمات البلد التاني
شكرا لوجودك

sabahy3asl اهلا بيك وشكرا لمرورك نورت

يقبرني الشامي شو حلو
كتير من المصطلحات موجودة عندنا بس الغالب اول مرة بسمعو وكنت وانا بقراوا مفكرو هندي
موضوع حلو كتير وتقبلي مروري

هههههههههههههههههههههه هندي لكن ....
اسعدني تواجدك الطيب
نورت

شكرا لك لافندرعلى المصطلحات الرائعه
والى الامام
ودمتي

هههههههههههههههههههههه هندي لكن ....
شوووووو ما فهمت
معليش انا حمصي ممكن تفهميني

اهلا عمو اسعدني تواجدك الرائع

وربي لم افهم شيء من المصطلحات الشامية
المهم رائع وشكرا لكي اختي لافندر

ييييييييييييييييييي ليش انت مو من عناااااا ....
عموما اتعلمهم وكل يوم بدي سمعلكم 4 كلمات ومعانينهم يلا لشوووف شدووا الهمة

ومنكم نستفيد اختي حياتي كلها علم لا نهاية

اهلا خي امير ما اختلفنا كلهم علم بس يلا بدي سمع انا ايوووه ماقلتلك حفاظ كل يوم اربع كلمات ومعانيهم يلااا لشوووف تعا وسمع الله يرضى عليك وقلك مسكة ايه يا شطور

مااااااااااا في احلىىىىىىى من ها الكلمات ......................الله يحفظ كل الامة العربية والدول الاسلاااااامية

» زوجة صالحة لا يفوتك الموضوع؟؟؟؟