تباهي الشباب بتعدد العلاقات ..... ما سببها؟؟

موضوع حلو كتير ويستحق القراءة والتعليق لانو هاي ظاهرة موجودة بشكل واضح بين شبابنا
وانا بحكم تخصصي رح استفيض شوي بردي على الموضوع
ممكن نوزع الأسباب على عدة أسباب أولها:
الأسباب الشخصية: ممكن يكون سبب التباهي نقص في الشخصية ويحاول الشاب تعويض هذا النقص من خلال هاي العلاقات
أو ممكن يكون محاولة منه لاثبات الذات من خلال إظهار نفسه انو يستطيع النجاح مع العديد من البنات
أو ممكن حرمان عاطفي مر فيه الشب فبيحاول يعوض نقص العاطفة يلي حس فيه من خلال هاي العلاقات
الأسباب الاجتماعية: طبيعة مجتمع الشباب أحيانا بتجعل الشاب متعدد العلاقات مرغوب فيه من خلال انو الكل بيمدح هدا الشب
وبيثر الغيرة بين أقرانه من الشباب حتى أن بعض الأسر تتباهى بكثرة علاقات ابنهم
أسباب متعلقة بوسائل الإعلام: يمكن هذا أثر بشكل كبير على شبابنا وخاصة نحنا في عصر العولمة والانفتاح والمسلسلات والأفلام حيث أن بعض الشباب يجعل من بعض الممثلين قدوة له في تعدد علاقاته.
أخيرا وليس آخر ضعف الوازع الديني عند الكثير من الشباب
بتمنى الكل يشاركنا برأيو
مشكورة كتير اخت لافندر لتطرقك لموضوع بهاي الأهمية وتقبلي مروري

مرحبااا اختي انا بدي رد على موضوعك بس بجملة وحدة:
"تباهي الشباب بتعدد العلاقات ما هو الا قلة في الدين والاسلام"
هاد اسمو جهل~جهل ~جهل~
تقبلي عبوووري
بنت القدس

على فكرة مش الشباب بس في بنات كمان هيك الله يهديهم
أنا بعتقد السبب هو إنعدام الوعي والتقليد الأعمى للغرب
شكرا على الموضوع

مشكورة كتير خيتى لافندر عالموضوع.... وانا بعتقد انو التباهى بالعلاقات سواء من الشاب او الفتاة احد اهم اسبابه الجهل وضعف الشخصية وانعدام القيم والمبادئ.... وباعتقادى انو كمان طبيعة البيت والنشأة والتربية المغلوطة وطبيعة المجتمع والبيئة المحيطة والمفاهيم السائدة فيه كل هادا من شأنه ان يفرز انسان بهذه المواصفات.... فالمشكلة تربوية اخلاقية مجتمعية من الدرجة الاولى